Snotra og andarungarnir



Einu sinni var einstæð Önd sem hét Snotra sem var alveg svakalega heimsk og átti alveg svakalega sæta 5 unga, þeir hétu Bigtasty, Bigmac, McSkilletBurrito, Burgercon og Mcnuggets. Snotra hugsaði alveg rosalega mikið um ungana sína og einn daginn fór hún með ungana sýna út að labba og var planið að fá sér Macdonalds.



Snotra var svo heimsk að hún fór með ungana sýna yfir þessa skrítnu plötu sem var svo flott að hún var mikið að spá í að veggfóðra heimilið sitt með þessu fallega munstri og sagði : ,,Brabrabra brr baaa brabra brabra"!! Bein þýðing: Komiði hérna á þessa plötu hvernig lýst ykkur á ? Ungarnir svöruðu : ,,Tísttítít tíst bíbííí bíbúba bí bí tístílítííí tútíí tadd dúíííí bíbísísíbíííííííííííí". Bein þýðing: Gegt flott mar.



,,BRA"!! Bein þýing: ,,Úppsadeisí". 

Aðeins einn náði að sleppa frá þessari gildru frá þessari sorglegu sögu, það var hann Bigtasty en hann lifði ömurlegu lífi eftir þennan hræðilega atburð. Bigtasty var orðinn einkaungi hennar Snotru og varð spikfeitur vegna þunglyndis. Tveimur vikum síðar dó BigTasty af sökum offitunar og menn vilja meina að það sé Macdonalds að kenna því það var það eina sem hann át.


Þessi litla dæmisaga segir manni það að borða EKKI Macdonalds...ÓGEÐSLEGUR MATUR (ef það má flokka þetta undir mat)!!!!! Þetta er eins og að borða hamp með smá tómasósu og alltaf einhver helvíti súr gúrka í miðjunni sem enginn vill borða. Hún er BARA sett þarna svo menn taki hana í burtu.

Kveðja GummOn

Þá er þessi helgi senn á rassenda. Fín helgi í alla staði og var ég hinn rólegasti þessa helgina. Ég var að vinna á Sólon á föstudeginum og líka á laugardeginum með honum Skúla kallinum og vil ég hér með þakka honum fyrir þessa helgi og verður næsta helgi enn betri.

Ég veit að ég á ekkert að vera tjá mig um þetta hérna á blogginu mínu en ég geri það bara samt. Undarlegur hlutur er búinn að eiga sér stað í mínum vinahóp og er ég innst inni pínu sár og reiður en ég læt það ekki bitna á besta vini mínum frá 2 ára aldri og ég held að allir viti hvað ég er að tala um. Þetta er eitthvað það flóknasta sem ég hef lent í því hinn aðilinn var einu sinni vinur minn líka en er það ekki í dag og langar mig helst ekki að hitta aftur....en það mun líklegast gerast einn daginn og kemst ég ekkert hjá því, en ég er ekki alveg að sjá það fyrir mig gerast. Þessir aðilar átta sig samt ekki alveg á því hvernig mitt sjónarhorn er á þessu máli og er þetta mun flóknara mál fyrir mig nokkurn tíman. 

Ég hef alltaf verið vinur vina minna og mun halda því áfram, lífið heldur áfram og verð ég alltaf kátur eins og vanalega....og mun auðvitað alltaf elska vini mína. Vill samt einhver taka hnífinn úr bakinu mínu ég næ honum ekki hann er svo langt inni, hver býður sig fram ?

Hæ hó =D

Það má segja að síðasta helgi hafi verið hreint út sagt frábær. Ég var að vísu bara rólegur á föstudeginum og vann bara á Sólon. Það var frekar fámennt í bænum og er maður alltaf frekar feginn að vera bara að vinna þegar er svona lítið um að vera í bænum.

Á laugardeginum vaknaði ég snemma og fór í sjúkraþjálfun hjá honum Róberti. Hann var ekki alveg sáttur með hvernig löppin mín lét því hún var orðin orðin öll bólgin aftur, þannig hann minnkaði bara við mig æfingarnar því það var greinilegt að álag væri á löppinni minni og hún þoldi ekki æfingar meira en annan hvern dag. Um leið og ég var búinn hjá honum var brunað í Mosfellsbæinn og þar var farið í golfmót með honum Rikka félaga. Veðrið lék aldeilis með okkur og fengum allskyns veðráttu. Þrátt fyrir leiðinlegt veður þá spilaði ég bara helvíti vel eða á 87 höggum og tel ég það nú bara nokkuð gott þar sem besta skorið mitt í sumar er 85 högg.

Þegar mótið var búið fór ég bara heim og klæddi mig í föt og átti ég von á honum Rafni að pikka mig upp klukkan 18:30. Þegar hann var kominn var farið beint til hans og hann dressaði sig upp. Ég drakk heila tvo bjóra áður en haldið var á Hótel 101. Við fengum okkur fordrykk eða Mojito. Svo pantaði ég mér kjúklingabringu með einhverju svaka krydddressi og hrísgrjónum og var sá réttur svakalega góður. Rafn fékk sé Lambafille með einhverri sósu og grænmæti og var að vonum sáttur með það.

Þegar við vorum búnir að borga var haldið á Glaumbar í afmælið hennar Helgu. Þar var frekar fáment en samt góðment. Ég og Rafn stoppuðum að vísu stutt þar og fórum fljótlega á Sólon þar sem boðið var uppá allskyns kokteila og helltum við alveg í okkur þangað til að við vorum alltíeinu orðnir alveg blekaðir. Ég man bara að ég var að missa mig á dansgólfinu þar sem DJ Áki Pain var að spila. Ég hitti svo loks hana Karitas og ákváðum við að fara á Apótekið og þá var ég búinn að týna Rafni. Karitas sagði mér að ég hefði alveg verið á eyrunum og bara fyndinn, en um leið og við vorum komin á Apó þá hvarf ég bara strax...og ég hef ekki HUGMYND hvað varð um mig. Ég endaði allavega heima heill á húfi.

Ég vil samt þakka Rabba fyrir frábært kvöld og held ég svei mér þá að þetta sé í fyrsta skipti sem við tveir förum bara á djammið og var það nokkuð sérstakt en alveg merkilega skemmtilegt. Vona að Jói og Gunni joini okkur samt næst því það er töff þegar við erum margir í þessu dressi....SUIT UP!! :D

En nóg um þessa helgi. Framundan er vinnuhelgi hjá mér á Sólon og er ég búinn að ákveða ásamt Kristbjörgu minni að við ætlum að kíkja eitthvað út á fimmtudeginum, því Skúli var svo elskulegur að redda mér fríi á fimmtudeginum á Sólon. Ég og Kristbjörg ætlum alveg pottþétt að fara í keilu þetta kvöld og kíkja svo á Sólon eða eitthvað og fá okkur aðeins í aðra tánna. Síðast þegar við fórum var alveg óhemju skemmtilegt og á ég ekki von á öðru en að það verði skemmtilegt hjá okkur á fimmtudaginn :D ...en nóg í bili, þangað til næst dúllurnar mínar ;)

Elsa og Kristbjörg...

Ég get ekki fengið leið á þessu atriði!!

Eins og má sjá á titli þessa bloggs hef ég valið Nickname-ið GummOn sem skrifast á jakkafötin mín sem ég keypti mér í síðustu viku og verða þau afmeyjuð næstu helgi =) ...

En nú ert þessi helgi senn á enda og ný vinnuvika að byrja sem er æðislegt....NEEEEEiiiii, vá hvað ég er ekki að nenna að fara vinna á morgun. En þetta var alveg æðisleg helgi í alla staði og stóðst allar væntingar. Helgin byrjaði snemma hjá mér en ég fékk mér frí í vinnunni í Vatnsvirkjanum á föstudeginum og ég og Jökli brunuðum á Bifröst klukkan 21:30 til hans Grétars. Við vorum inní herberginu hans Grétars og hlusta á Villa Vill. Grétar kynnti okkur fyrir einhverjum tveimur strákum sem voru með okkur að drekka inní herbergi og voru þeir hörku fínir. Ég var samt næstum því farinn að grenja úr hlátri þegar þeir voru að kynna sig því annar þeirra hét Bárður og ég var næstum því búinn að segja við hann : ,,Ertu nokkuð klaufabárður" !! En ég hafði það ekki í mér og beið bara frekar eftir því að hann myndi gera eitthvað heimskulegt af sér og þá myndi ég bara skjóta á hann =D haha.....

En þetta kvöld var helvíti skemmtilegt og fórum við á Kaffihúsið og drukkum þar bara í einhvern tíma og svo .........fór ég bara í feitasta BlackOut, þökk sé Grétari að láta mig taka öll þessi skot. Ég vaknaði í einhverjum sófa inní einhverju húsi og það var einhver gaur að henda mér út. Ég skildi ekki neitt í neinu...ég hunskaðist bara út og fór til Grétars og fór bara að sofa þar.

Daginn eftir vaknaði ég illa ferskur á því og brunuðum við Grétar bara í bæinn, en þá hafði Jökull farið snemma um morguninn til þess að ná einhverjum tíma í skólanum. Ég fór bara beint til hans Jökla sem var þynri en allt í heiminum. Við fórum á KFC og fengum okkur að borða með Grétari og Gaua.is, fórum þaðan í Elko og ég keypti mér vídjóupptökuvél sem kostaði heilar 120.000 kall og er ég mjög sáttur með hana. Svo var bara brunað í bústaðinn í Miðhúsaskógum.

Í bústaðnum var algjör snilld og vil ég hér með þakka strákunum kærlega fyrir helgina því það er ansi sjaldan sem það er leiðinlegt í svona bústaðarferðum. Reyndar beilaði Gaui bró á síðustu stundu og var leiðinlegt að hann hafi ekki komið með okkur. Hápunktur ferðarinnar var samt þegar við ætlum að taka vel á móti Grétari og Gaua og við strákarnir vorum búnir að opna hlerann sem er í bústaðnum (og þá erum við að tala um að hlerinn er bara á miðju gólfinu og enginn stigi niður en neitt. Við vorum búnir að slökkva öll ljós nema niðri í þessum kjallara og ég var að fara setja mig í stellingar til þess að fara taka upp þegar við ætluðum að bregða strákunum....vitir menn, ég var svo æstur í öllum þessum hamagangi að ég var búinn að gleyma hleranum og datt ofaní og var svona hálfur ofaní og hálfur uppúr. Vááá ...erfitt að lýsa þessa en þetta var óhemju fyndið og er ég að drepast í rassgatinu og bakinu og er ég allur marinn. Þetta var ekkert smá óþæginlegt og veit ég ekki hvað ætlaði að verða um strákana því þeir hlógu svo mikið.

En þetta var svakalega skemmtilegt...við fórum mikið í eldgömlu Nintendó tölvuna og spiluðum marga hverja gull leikina og svo var líka farið í Playstation og farið í drykkjuleiki og svo auðvitað heiti potturinn. En þetta var bara algjör snilld í heild sinni og eyðilagðist ekkert í þessari ferð og engin leiðindi, það er fyrir öllu fyrir utan að ég meiddi mig ýkt mikið þegar ég fór holu í höggi...en það var alveg þess virði. Ég fæ vondandi eitthvað af myndunum hans Jökla því ég var ekki nægilega duglegur að taka myndir á mína vél....látum þetta annars bara gott heita =)